Óskar Hrafn: Langeðlilegast að Halldór taki við þessu
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Óskar Hrafn Þorvaldsson stýrði Breiðablik í síðasta sinn í dag þegar liðið tapaði gegn Stjörnunni í baráttunni um þriðja sætið í Bestu deildinni.
Óskar vildi halda áfram með liðið og klára riðlakeppni Sambandsdeildarinnar en stjórn félagsins vildi að hann myndi hætta eftir leikinn í dag.
Halldór Árnason hefur verið aðstoðarþjálfari Óskars undanfarin ár en Óskar segir eðlilegt að hann taki við af sér.
„Ég myndi halda að það væri langeðlilegast að Halldór taki við þessu. Hann er frábær þjálfari og búinn að standa sig feykilega vel," sagði Óskar Hrafn.
