Brynjar Ingi í landsleiknum í gær.
Ítalska félagið Lecce hefur mikinn áhuga á að fá miðvörðinn Brynjar Inga Bjarnason í sínar raðir samkvæmt heimildum Fótbolta.net.
Lecce hafnaði í fjórða sæti ítölsku B-deildarinnar á liðnu tímabili en liðið féll úr efstu deild á síðasta ári.
Lecce hafnaði í fjórða sæti ítölsku B-deildarinnar á liðnu tímabili en liðið féll úr efstu deild á síðasta ári.
Í gær var fjallað um áhuga á Brynjari og sagt að tilboð hefðu borist frá Ítalíu og Rússlandi.
Brynjar Ingi, sem verður 22 á árinu, hefur verið stórgóður með KA í Pepsi Max-deildinni í sumar.
Hann byrjaði alla þrjá leiki íslenska landsliðsins núna í landsleikjaglugganum og var valinn maður leiksins í 2-2 jafnteflinu gegn Póllandi í gær.
Athugasemdir
