Heimild: Heimasíða Dalvíkur
Tvíburabræðurnir Nökkvi Þeyr og Þorri Mar Þórissynir eru á leið til FC Kaupmannahafnar þar sem þeir munu æfa með unglingaliði félagsins í viku í byrjun ágúst.
Báðir leikmennirnir eru frá Dalvík en þeir eru á eldra ári í fjórða flokki.
Aðdragandinn var sá að Barna-og unglingaráð Dalvíkur sendi Nökkva í knattspyrnuskóla KSÍ á Laugarvatni um miðjan júní og þar vakti hann athygli íslensks umboðsmanns og útsendara FCK.
Sá setti sig í samband við foreldra Nökkva og yfirþjálfara Dalvíkur og fékk að koma í heimsókn til að kynna áhuga sinn.
Ekki minnkaði áhuginn þegar hann uppgötvaði að Nökkvi á tvíburabróður með mikla fótboltahæfileika líka en þetta kemur fram á heimasíðu Dalvíkur.
Athugasemdir
