„Mér finnst ótrúlegt hversu mikið félagið hefur stutt mig með son minn. Það eru ekki öll félög sem myndu leyfa mér að fá strákinn minn inn á æfingasvæðið og inn á völlinn. Ég er mjög þakklát fyrir að hann fái að upplifa alla þessa reynslu með mér og þess vegna er hann mikill West Ham aðdáandi í dag og mun vera það sem eftir er af lífi sínu," segir Dagný.

„Þetta er bara ein stór fjölskylda og ég er spennt að það sé að bætast við þá fjölskyldu."

Dagný er gríðarlega mikilvægur leikmaður fyrir West Ham og íslenska landsliðið en fram kemur á heimasíðu enska félagsins að hún muni ekki spila neitt á komandi keppnistímabili.

Við á Fótbolta.net óskum Dagnýju innilega til hamingju með þessar fréttir!