Arsenal orðað við fjóra sóknarmenn - Real Madrid að sækja bróður Mbappe líka - Zidane efstur á lista Ratcliffe - Barcelona á eftir De Gea
banner
   lau 10. febrúar 2024 19:00
Ívan Guðjón Baldursson
Ítalía: Inter vann endurkomusigur í Róm - Lazio sigraði Sardiníu
Mynd: EPA
Mynd: Getty Images
Mynd: EPA
Tveimur fyrstu leikjum dagsins er lokið í ítalska boltanum, þar sem Roma og Inter áttust við í stórleik. Leikurinn var afar jafn og nokkuð tíðindalítill en þó voru skoruð fimm mörk.

Miðverðirnir Francesco Acerbi og Gianluca Mancini skoruðu sitthvort markið í fyrri hálfleik, áður en Stephan El Shaarawy kom heimamönnum í Róm yfir skömmu fyrir leikhlé.

Það var í upphafi síðari hálfleiks sem gestirnir frá Mílanó sneru stöðunni við, með Marcus Thuram í lykilhlutverki. Thuram jafnaði á 49. mínútu og átti svo stóran þátt í sjálfsmarki Angelino skömmu síðar.

Inter komst þar með í forystu á ný og tókst að halda henni til leiksloka. Alessandro Bastoni skoraði fjórða markið í uppbótartíma til að innsigla sigurinn og eru lærisveinar Simone Inzaghi með sjö stiga forystu á toppi ítölsku deildarinnar, á meðan Roma situr í fimmta sæti.

Þetta er fyrsta tap Daniele De Rossi við stjórnvölinn hjá Roma eftir að hann tók við af José Mourinho.

Lazio heimsótti þá Cagliari fyrr í dag, þar sem lærisveinar Maurizio Sarri byrjuðu betur og komust í tveggja marka forystu.

Heimamenn, sem leika undir stjórn Claudio Ranieri, áttu góðan leik og minnkuðu muninn á 51. mínútu, en það dugði ekki til.

Lokatölur urðu 1-3 fyrir Lazio, sem er aðeins einu stigi á eftir nágrönnum sínum í Roma eftir þennan sigur. Þetta var fjórði tapleikur Cagliari í röð og er liðið aðeins með 18 stig eftir 24 umferðir, í næstneðsta sæti deildarinnar.

Roma 2 - 4 Inter
0-1 Francesco Acerbi ('17 )
1-1 Gianluca Mancini ('28 )
2-1 Stephan El Shaarawy ('44 )
2-2 Marcus Thuram ('49 )
2-3 Angelino ('56 , sjálfsmark)
2-4 Alessandro Bastoni ('93)

Cagliari 1 - 3 Lazio
0-1 Alessandro Deiola ('26 , sjálfsmark)
0-2 Ciro Immobile ('49 )
1-2 Gianluca Gaetano ('51 )
1-3 Felipe Anderson ('65 )
Athugasemdir
banner
banner