Wycombe skoðar að lögsækja - Gæti Derby fallið?

Mynd: Getty Images

Derby slapp við fall á laugardag eftir mikla dramatík í lokaumferð Championship deildarinnar. Það voru Sheffield Wednesday, Wycombe og Rotherham sem féllu niður í C-deildina en Derby slapp með skrekkinn.

Wycombe er sagt vera að íhuga að lögsækja Derby sem endaði stigi fyrir ofan Wycombe. Derby hefur háð mikla baráttu við stjórn ensku neðri deildanna og í ágúst slapp félagið við dóm en ákveðið var að áfrýja þeirri niðurstöðu.

Það var talið eitthvað óeðlilegt við kaup eiganda Derby á leikvangi félagsins og einnig hvernig félagið afskrifaði samninga við leikmenn félagsins.

Ekki hefur fengist niðurstaða eftir seinni kæruna. Vilji Wycomber er sá að ef Derby verði dæmt brotlegt verði félaginu refsað og refsingin gildi á þessu tímabili, því sem lauk fyrir flest lið deildarinnar á laugardag.

Ekki er ljóst hvort refsingin yrði í formi frádráttar á stigum eða fjársektar en von Wycombe liggur í því að Derby tapi stigum á þessari leiktíð.

Stig voru dregin af Sheffield Wednesday í vetur eftir að félagið hafði eytt of háum fjárhæðum í leikmenn. Sex stig voru dregin af Uglunum en félagið hefði haldið sér uppi á kostnað Derby ef ekki hefði verið fyrir þann dóm.

Sjá einnig:
Derby County sleppur við refsingu - Búist við áfrýjun (12. ágúst '20)

Championship - karlar

#	Lið	L	mun	Stig
1	Birmingham	15	+14	29
2	Middlesbrough	15	+11	29
3	Stoke City	15	+6	29
4	Wolves	15	+8	28
5	West Brom	15	+8	28
6	Swansea	15	+4	26
7	Southampton	15	+14	24
8	QPR	15	+6	24
9	West Ham	15	+14	23
10	Sheffield Utd	15	+2	22
11	Portsmouth	15	+2	22
12	Norwich	15	+8	21
13	Blackburn	15	-1	21
14	Cardiff City	15	0	18
15	Wrexham	15	-2	18
16	Millwall	15	-4	18
17	Bristol City	15	-8	18
18	Bolton	15	-9	17
19	Charlton Athletic	15	-10	17
20	Watford	15	-10	15
21	Lincoln City	15	-11	15
22	Burnley	15	-9	10
23	Derby County	15	-16	10
24	Preston NE	15	-17	8