Þróttarar voru í vandræðum í kvöld
Þróttarar töpuðu í kvöld
Guðlaugur Baldursson þjálfari Þróttar var eðlilega ósáttur eftir 2-3 tap sinna manna gegn Grindavík á heimavelli í kvöld.
Lestu um leikinn: Þróttur R. 2 - 3 Grindavík
„Ekkert sérstaklega ánægður með leikinn okkar, hann var kaflaskiptur. Við vorum undir stóran hluta leiksins." voru fyrstu viðbrögð Guðlaugs eftir leik.
Það var kraftur í Þrótturum í lok fyrri hálfleiks en síðari hálfleikur var slakur að þeirra hálfu.
„Við færðum liðið hægt í varnarleiknum, þeir eru með góða fótboltamenn sem eru klókir og nýttu sér það. Við ætluðum að koma öðruvísi út en raunin varð."
Sam Hewson er búinn að vera meiddur að undanförnu.
„Það er aðeins óljóst, það verða vonandi ekki margar vikur í viðbót í hann."
Þróttarar eru með 4 stig eftir 6 leiki í deildinni.
„Við erum ekki ánægðir með það, við viljum meira og viljum hafa fleiri stig eðlilega."
Næsti leikur er á móti toppliði Fram.
„ Það er verðugt verkefni, við þurfum að stíga upp frá þessum leik ef við ætlum að taka eitthvað út úr þeim leik."
Nánar var rætt við Guðlaug í spilaranum hér að ofan.
