Mikel Arteta hafði sagt að meiðsli miðjumannsins Partey væru ekki alvarleg og reiknað var með því að hann gæti spilað gegn Leeds en svo verður ekki.

Ekki hefur verið gefið út hvenær áætla má endurkomu leikmannsins.

Eftir leikinn gegn Leeds á Arsenal leik gegn Benfica í 32-liða úrslitum Evrópudeildarinnar eftir viku. Fyrri leikurinn verður í Róm en sá seinni mun einnig verða spilaður á hlutlausum velli.

Varnarmaðurinn David Luiz og markvörðurinn Bernd Leno munu snúa aftur í lið Arsenal en þeir voru báðir í banni í tapleiknum gegn Aston Villa.

Arsenal er á eftir Leeds í töflunni og þarf sigur til að komast aftur upp í efri helminginn.