Lengjubikar kvenna: Skrifaði undir og skoraði svo tvö mörk í sigri

Breiðablik vann Tindastól nokkuð örugglega, 5-0, í A-deild Lengjubikarsins á Kópavogsvelli í dag.

Hildur Antonsdóttir gerði fyrstu tvö mörk Blika, fyrra eftir tæpa mínútu og svo aftur tuttugu mínútum síðar.

Belgíska landsliðskonan Alexandra Soree skrifaði undir nýjan samning við Blika í dag og framlengdi út tímabilið. Hún þakkaði svo fyrir sig og skoraði tvö mörk gegn Stólunum.

Karitas Tómasdóttir gerði svo fimmta og síðasta mark leiksins þegar rúmur hálftími var eftir.

Þetta var fyrsti leikur beggja liða í Lengjubikarnum.