Cristian Romero, fyrirliði Tottenham, hefur verið duglegur að gagnrýna stjórn félagsins en hann sendi frá sér gagnrýni í gær eftir 2-2 jafntefli liðsins gegn Man City um helgina.
Mikil meiðslavandræði eru í hópnum og þá þurfti Romero að fara af velli í hálfleik gegn City vegna veikinda.
„Frábær frammistaða frá öllum liðsfélögum mínum í gær, þeir voru ótrúlegir,“ skrifaði Romero á Instagram.
„Ég vildi vera til staðar til að hjálpa þeim jafnvel þótt mér liði ekki vel, sérstaklega þar sem við vorum aðeins með 11 leikmenn tiltæka - ótrúlegt en satt og skammarlegt.“
Romero gagnrýndi stjórnina eftir tap gegn Bournemouth fyrir tæpum mánuði síðan.
„Það ættu aðrir að stíga upp á svona tímum og tala en þeir gera það ekki, þetta hefur verið svona undanfarin ár. Þeir mæta bara þegar vel gengur og ljúga," skrifaði Romero þá á Instagram.
Athugasemdir
