Fótboltafréttamaðurinn Fabrizio Romano greinir frá því að Arsenal er að ganga frá kaupum á spænska markverðinum David Raya, sem gerði flotta hluti hjá félaginu á láni frá Brentford á nýliðnu tímabili.
Arsenal fékk Raya til sín í fyrra frá Brentford á eins árs lánssamningi með kaupmöguleika.
Arsenal borgaði 3 milljónir punda fyrir lánið og greiðir 27 milljónir til viðbótar til að ganga frá kaupum á markverðinum. Þessar fregnir verða staðfestar á næstu dögum.
Raya er 28 ára gamall og var ekki lengi að taka byrjunarliðssætið á milli stanga Arsenal af Aaron Ramsdale.
Raya hefur staðið sig frábærlega hjá sínu nýja félagi og er sérstaklega mikilvægur vegna hæfileika sinna með boltann við fæturnar.
Athugasemdir
