Fótbolti.net

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

Axel Óskar kominn heim: Núna spilar maður með hjartanu

Jökull: Upplifði einhverja ást hér sem ég hef ekki upplifað áður

Þórður Gunnar: Leist best á Aftureldingu

Oliver með fiðring: Báðir bræður mínir spiluðu hér

„Einu leikmennirnir sem við höfum farið í viðræður við“

Segir Breiðablik vera alltof spennandi - „Virkilega margir sem skildu mig"

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

þri 12. nóvember 2024 17:47

Elvar Geir Magnússon
Spáni

Willum finnur fyrir ást í Birmingham - „Klúbbur sem á alls ekki að vera þarna“

Willum Þór Willumsson.

Mynd: Fótbolti.net - Hafliði Breiðfjörð

Willum í treyju Birmingham.

Mynd: Getty Images

Willum í landsleik.

Mynd: Fótbolti.net - Hafliði Breiðfjörð

Willum Þór Willumsson ræddi við Fótbolta.net fyrir utan La Finca hótelið á Spáni í dag en hann er í íslenska landsliðshópnum sem er að búa sig undir leiki gegn Svartfjallalandi og Wales í Þjóðadeildinni.

Í viðtalinu ræðir Willum um komandi landsleiki og fleira en hann hefur verið að gera virkilega góða hluti með Birmingham í ensku C-deildinni. Hann er hæstánægður með skrefið að fara til Birmingham.

10.11.2024 22:25

Staðan á strákunum okkar - Menn í stórum hlutverkum

„Það er mjög næs, ég er búinn að koma mér mjög vel fyrir og líður bara vel þar," segir Willum. Hvernig er deildin, League One?

„Þetta er kannski ekki gæðamesta deildin en hún er alls ekki auðveld. Mörg lið sem spila 5-3-2. Þetta er mikil harka og liðin eiga það til að leggja rútuna, spila löngum fram og treysta á föst leikatriði. Þetta er erfitt og krefjandi en að sama skapi mjög skemmtilegt."

Stórstjörnur voru mættar
Birmingham er stórt félag sem á svo sannarlega ekki að vera svona neðarlega og Willum segir það augljóst.

„Maður fann það um leið og maður kom inn að þetta er klúbbur sem á alls ekki að vera í þessari deild, þetta er félag með flottan leikvang og flott æfingasvæði. Hann á alls ekki að vera þarna."

Fleiri augu beinast að þessari deild en oftast áður enda Birmingham og Hollywood-liðið Wrexham í henni.

17.09.2024 10:30

Stórstjörnur mættu á C-deildarleikinn

„Það er mjög gaman, við spiluðum náttúrulega við Wrexham um daginn og stórstjörnur voru mættar á leikinn. Hann var á Sky og gerði þetta enn skemmtilegra."

Einn besti leikmaður deildarinnar
Willum var tilnefndur sem leikmaður mánaðarins í deildinni í október og hefur hreinlega verið einn besti leikmaður deildarinnar.

„Ég er búinn að koma að tólf mörkum nú þegar og er mjög sáttur með mitt framlag og frammistöðu hingað til. Ég er að njóta þess að spila. Við reynum að halda mikið í boltann og skapa fleiri færi en andstæðingurinn. Ég held að við séum hæstir í possession á Englandi, með Premier league meðtalinni. Það kannski segir eitthvað. Það er okkar fótbolti," segir Willum.

Þegar samfélagsmiðlar eru skoðaðir sést strax að Willum er kominn í mikið uppáhald hjá stuðningsmönnum liðsins. Finnur hann fyrir ástinni frá stuðningsmönnunum?

„Já ég geri það. Ég er ekki mikið að lesa kommentin á netinu en þegar maður rekst á þá niðri í bæ eða fyrir utan völlinn tek ég eftir því. Það fylgir því þegar vel gengur. Það væri kannski öðruvísi ef það gengi illa. Ég fann það strax þegar ég kom þangað að þetta var hárrétt skref fyrir mig."