Arnór Sigurðsson ræddi við Fótbolta.net eftir 2-2 jafnteflið gegn Ísrael í Þjóðadeildinni í kvöld.
Lestu um leikinn: Ísland 2 - 2 Ísrael
„Pirrandi að ná ekki að klára þetta eftir að hafa komist tvisvar yfir og eftir að hafa fengið góð færi til að gera út um þetta. Tilfinningin er svipuð eins og eftir Albaníu hérna," sagði Arnór.
Er hann ánægður með eigin frammistöðu?
„Já og nei. Það er hellingur sem ég geri fínt en svo á ég að gera betur í öðrum t
ilfellum, til dæmist þegar ég fæ færið til að koma okkur í 2-0."
Hörður Björgvin og Arnór tengja vel saman.
„Já mjög, það sjá það flestir. Við vorum líka að gera þetta í Moskvu þar sem hann getur nánast tekið hann blindandi og veit að ég fer í þetta hlaup."
Er hann ánægður með þennan glugga?
„Nei við eigum að gera kröfu á meira, við eigum að gera kröfu á sigra. Næsta skref sem við þurfum að taka sem skref er að klára svona leiki."
Í viðtalinu ræðir Arnór einnig um félagsliðaboltann og vonbrigðin á Ítalíu.
Athugasemdir