Sveindís er 24 ára gömul og hefur skorað 16 mörk í 56 landsleikjum.
Bay FC 1 - 3 Angel City
0-1 Sveindís Jane Jónsdóttir ('3)
0-2 Gisele Thompson ('32)
0-3 Sveindís Jane Jónsdóttir ('53)
1-3 Taylor Huff ('56)
0-1 Sveindís Jane Jónsdóttir ('3)
0-2 Gisele Thompson ('32)
0-3 Sveindís Jane Jónsdóttir ('53)
1-3 Taylor Huff ('56)
Sveindís Jane Jónsdóttir var í byrjunarliðinu hjá Angel City og átti stórleik í góðum sigri á útivelli gegn Bay FC í bandaríska kvennaboltanum í nótt.
Sveindís skoraði fyrsta mark leiksins á þriðju mínútu og lagði svo næsta mark upp fyrir Gisele Thompson, svo staðan var 0-2 í leikhlé.
Sveindís setti svo þriðja mark Angel City snemma í síðari hálfleik áður en Taylor Huff minnkaði muninn fyrir heimakonur sem komust þó ekki nær.
Lokatölur urðu 1-3 og er Angel City með sex stig eftir tvær fyrstu umferðirnar. Sveindís lagði upp í fjögurra marka sigri í fyrsta leik deildartímabilsins.
Sveindís er þar með búin að skora og leggja meira upp heldur en hún gerði á síðustu leiktíð. Hún skoraði eitt mark og gaf eina stoðsendingu í níu fyrstu leikjunum hjá Angel City en virðist vera búin að finna taktinn eftir aðlögunarferlið.
Hún er komin með tvö mörk og tvær stoðsendingar í tveimur fyrstu leikjum deildartímabilsins.
Athugasemdir
