13.07.24 - 09:00
Ívan Guðjón Baldursson
Southampton kaupir Sugawara frá AZ - Nota peninginn í Troy Parrott
Mynd: EPA
Mynd: Getty Images
Mynd: EPA
Southampton er að ganga frá kaupum á japanska bakverðinum Yukinari Sugarawa sem kemur úr röðum AZ Alkmaar í Hollandi.
Sugawara á aðeins eitt ár eftir af samningi sínum við AZ og kostar því ekki nema um 7 milljónir evra.
Japaninn gerir fjögurra ára samning við Southampton en hann er 24 ára gamall og á 13 A-landsleiki að baki, auk þess að hafa verið lykilmaður í liði AZ síðustu ár.
AZ notar peninginn sem félagið fær fyrir Sugawara til að fjármagna kaup á írska framherjanum Troy Parrott sem kemur úr röðum Tottenham.
Parrott á aðeins eitt ár eftir af samningi sínum við Tottenham en hann gerði flotta hluti á láni hjá Excelsior í hollenska boltanum á síðustu leiktíð, þar sem hann skoraði 17 mörk og gaf 5 stoðsendingar í 32 leikjum.
Parrott er 22 ára gamall og hafði meðal annars spilað á láni hjá Millwall, Ipswich, MK Dons og Preston North End áður en hann reyndi fyrir sér í hollenska boltanum.
Japaninn gerir fjögurra ára samning við Southampton en hann er 24 ára gamall og á 13 A-landsleiki að baki, auk þess að hafa verið lykilmaður í liði AZ síðustu ár.
AZ notar peninginn sem félagið fær fyrir Sugawara til að fjármagna kaup á írska framherjanum Troy Parrott sem kemur úr röðum Tottenham.
Parrott á aðeins eitt ár eftir af samningi sínum við Tottenham en hann gerði flotta hluti á láni hjá Excelsior í hollenska boltanum á síðustu leiktíð, þar sem hann skoraði 17 mörk og gaf 5 stoðsendingar í 32 leikjum.
Parrott er 22 ára gamall og hafði meðal annars spilað á láni hjá Millwall, Ipswich, MK Dons og Preston North End áður en hann reyndi fyrir sér í hollenska boltanum.
Mynd: Getty Images
