Frank Lampard er búinn að gjörbreyta leikmannahópi Chelsea í sumar. Roman Abramovich tók upp veskið og í kvöld er komið að fyrsta leik liðsins í ensku úrvalsdeildinni.

Chelsea heimsækir Brighton en þessi leikur kemur reyndar aðeins of snemma fyrir Hakim Ziyech, Ben Chilwell og Thiago Silva sem verða ekki með í kvöld. Þeir tveir fyrrnefndu eru á meiðslalistanum og Silva þarf að komast í betra stand.

Þjóðverjarnir Kai Havertz og Timo Werner voru keyptir á alvöru upphæðir og eru báðir í líklegu byrjunarliði Chelsea sem Guardian setti saman. Werner skoraði þegar þessi lið áttust við í vináttuleik fyrir tveimur vikum síðan.

Það mun væntanlega taka smá tíma fyrir nýja leikmenn Chelsea að smella saman og fara að sýna sínar bestu hliðar.