Það fóru þrír leikir fram í efstu deild í Sádi-Arabíu í dag þar sem Sadio Mané skoraði fyrsta mark leiksins í 2-0 sigri Al-Nassr.
Staðan var markalaus eftir fyrri hálfleikinn gegn Al-Kholood en Mané skoraði í upphafi síðari hálfleiks eftir undirbúning frá Kingsley Coman, fyrrum liðsfélaga sínum hjá FC Bayern.
Inigo Martinez, fyrrum leikmaður Barcelona, innsiglaði svo sigurinn á 81. mínútu eftir undirbúning frá Marcelo Brozovic, fyrrum leikmanni Inter.
Mohamed Simakan, Joao Félix og Cristiano Ronaldo voru einnig meðal byrjunarliðsmanna í liði Al-Nassr, sem er með 6 stig eftir tvær fyrstu umferðirnar á nýju tímabili.
Alexandre Lacazette var þá hetjan í sigri Neom SC gegn Damac. Hann skoraði eina markið í fyrri hálfleik og gerði svo sigurmark úr vítaspyrnu í síðari hálfleik, lokatölur 1-2.
Saïd Benrahma, Ahmed Hegazy og Luis Maximiano voru meðal byrjunarliðsmanna í sigurliði Neom sem leikur undir stjórn Christophe Galtier.
Al-Nassr 2 - 0 Al-Kholood
1-0 Sadio Mane ('52)
2-0 Inigo Martinez ('81)
Damac 1 - 2 Neom
0-1 Alexandre Lacazette ('30)
1-1 J. Medina ('49)
1-2 Alexandre Lacazette ('83, víti)
Al-Riyadh 2 - 1 Al-Najma
Athugasemdir
