Pólski framherjinn Robert Lewandowski skoraði þrennu er Bayern München stöðvaði sigurgöngu Kölnar með því að vinna góðan 4-0 sigur í þýsku deildinni í dag.
Lewandowski kom Bayern yfir á 9. mínútu. Bayern vann boltann á miðsvæðinu áður en Thomas Müller kom boltanum inn í teiginn, á Lewandowski sem skoraði í vinstra hornið.
Franski miðjumaðurinn Corentin Tolisso skoraði fallegt mark á 24. mínútu. Marcel Sabitzer átti langan bolta í teiginn á Tolisso, sem skallaði hann á Müller, sem skilaði honum aftur á Tolisso og þrumaði hann knettinum efst í vinstra hornið.
Lewandowski bætti við tveimur mörkum í síðari hálfleik. Leroy Sane lagði upp fyrir hann á 62. mínútu. Einföld sending inn fyrir og enn þægilegra fyrir Lewandowski áður en hann fullkomnaði þrennuna tólf mínútum síðar. Lokatölur 4-0 fyrir Bayern sem er með 46 stig á toppnum, sex stigum á undan Borussia Dortmund.
Union Berlín lagði Hoffenheim, 2-1 á meðan Mainz vann Bochum 1-0 með marki frá hollenska varnarmanninum Jeremiah St. Juste í byrjun síðari hálfleiks. Wolfsburg og Hertha Berlín gerðu markalaust jafntefli.
RB Leipzig er í ágætis gír og sigraði Stuttgart, 2-0. Andre Silva skoraði úr vítaspyrnu á 11. mínútu. Christopher Nkunku, besti maður Leipzig á tímabilinu, átti fyrirgjöf sem Konstantinos Mavropanos handlék innan teigs og skoraði Silva úr spyrnunni.
Nkunku tryggði svo sigurinn með marki tuttugu mínútum fyrir leikslok. Leipzig var með boltann á miðsvæðinu, Nkunku fór í hlaupið hægra megin. Hann var með varnarmann í sér, en lék á hann með skemmtilegri gabbhreyfingu í átt að teignum áður en hann kom boltanum hægra megin við markvörðinn og í netið.
Leipzig er í 7. sæti með 28 stig en Stuttgart í 15. sæti með 18 stig á erfiðu tímabili.
Wolfsburg 0 - 0 Hertha
Union Berlin 2 - 1 Hoffenheim
0-1Timo Baumgartl ('16 , sjálfsmark)
1-1 Andreas Voglsammer ('22 )
2-1 Grischa Promel ('73 )
Stuttgart 0 - 2 RB Leipzig
0-1 Andre Silva ('11 , víti)
0-2 Christopher Nkunku ('70 )
Mainz 1 - 0 Bochum
0-0 Sebastian Polter ('33 , Misnotað víti)
1-0 Jeremiah St Juste ('48 )
Koln 0 - 4 Bayern
0-1 Robert Lewandowski ('9 )
0-2 Corentin Tolisso ('25 )
0-3 Robert Lewandowski ('62 )
0-4 Robert Lewandowski ('74 )
Athugasemdir