Þýskaland: Bayern strax farið að sakna Neuer - Plea skoraði þrennu fyrir Gladbach

Lærisveinar Vincent Kompany voru að tapa stigum annan leikinn í röð.

Bayern skapaði sér mörg góð færi. Michael Olise skaut rétt framhjá og þá setti Serge Gnabry boltann yfir úr góðu færi áður en Frederik Ronnow varði frá honum stuttu síðar.

Ronnow var aftur kallaður á vaktina snemma í síðari hálfleik er Harry Kane skaut aukaspyrnu á markið og sá Ronnow við honum.

Bayern fann loks netmöskvana þegar stundarfjórðungur var eftir er Leroy Sane laumaði sér fram fyrir Jeong Woo-Yeong og hljóp á fyrirgjöf Josip Stanisic og skoraði.

Heimamenn náðu í óvænt jöfnunarmark tíu mínútum síðar er er Jonas Urbig, markvörður Bayern, varði fyrirgjöf út í teiginn á Benedict Hollerbach sem skoraði. Hræðilega gert hjá Urbig sem er að leysa af í fjarveru Manuel Neuer. Liðið hefur nú tapað stigum í síðustu tveimur leikjum og Urbig spilað báða.

Lokatölur í Berlín 1-1. Bayern er áfram á toppnum með 62 stig, níu stigum á undan Bayer Leverkusen sem á nú möguleika á að gera titilbaráttuna spennandi.

Alassane Plea skoraði þá þrennu í 4-2 sigri Borussia Mönchengladbach á Werder Bremen, Frakkinn verið einn af bestu leikmönnum Gladbach síðustu ár og minnti rækilega á sig í þessum leik.

Tíu leikmenn Mainz náðu að taka stig gegn Freiburg í 2-2 jafntefli og þá lagði Augsburg lið Wolfsburg, 1-0.

Werder 2 - 4 Borussia M.
0-1 Alassane Plea ('7 , víti)
0-2 Alassane Plea ('28 )
1-2 Romano Schmid ('39 )
2-2 Andre Silva ('45 , víti)
2-3 Alassane Plea ('47 )
2-4 Tim Kleindienst ('81 )

Augsburg 1 - 0 Wolfsburg
1-0 Phillip Tietz ('53 )

Mainz 2 - 2 Freiburg
1-0 Jonathan Michael Burkardt ('34 )
1-1 Michael Gregoritsch ('58 )
2-1 Andreas Hanche-Olsen ('74 )
2-2 Lukas Kubler ('79 )
Rautt spjald: Dominik Kohr, Mainz ('43)

Union Berlin 1 - 1 Bayern
0-1 Leroy Sane ('75 )
1-1 Benedict Hollerbach ('84 )