Tottenham 1 - 0 Burnley
1-0 Harry Kane ('45, víti)
Tottenham er komið uppfyrir erkifjendurna í Arsenal og í Meistaradeildarsæti eftir sigur gegn fallbaráttuliði Burnley í fyrsta leik dagsins.
Tottenham byrjaði betur en gestirnir unnu sig inn í leikinn og virtust leikmenn ætla að ganga til búningsklefa í hálfleik í stöðunni 0-0 en svo var ekki því VAR herbergið hafði eitthvað að segja.
Boltinn fór í hendi Ashley Barnes innan vítateigs og skoraði Harry Kane örugglega af vítapunktinum, hans 21. vítaspyrnumark í röð án þess að klúðra. Ansi ódýr vítaspyrna en reglurnar tala sínu máli og leiddi Tottenham 1-0 í hálfleik.
Burnley byrjaði seinni hálfleikinn mun betur og átti Barnes bylmingsskot í stöngina áður en Hugo Lloris varði vel en það voru heimamenn sem fengu betri færi er tók að líða á leikinn.
Nick Pope átti stórleik á milli stanganna þar sem hann varði nokkur dauðafæri meðal annars frá Kane og Heung-min Son og hélt Burnley í leiknum allt til enda en lokatölur urðu 1-0.
Tottenham er tveimur stigum fyrir ofan Arsenal sem á leik til góða á útivelli gegn Newcastle mánudagskvöldið.
Burnley er aftur á móti aðeins fyrir ofan fallsvæðið á markatölu og getur misst Leeds framúr sér í dag. Þetta var annar tapleikur liðsins í röð eftir frábæra sigurhrinu.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
