Barcelona er að skoða það að bæta hægri bakverði við leikmannahóp sinn og horfir Katalóníustórveldið til Manchester United í þeim efnum.
Samkvæmt spænska fjölmiðlamanninum Gerard Romero þá er Barcelona með báða hægri bakverði Man Utd á sínum lista.
Um er að ræða þá Aaron Wan-Bissaka og Diogo Dalot.
Dalot hefur byrjað fyrstu tvo deildarleiki tímabilsins hjá United en Wan-Bissaka er ekki sagður vera í plönum Erik ten Hag, sem tók við stjórn Man Utd í sumar.
Ítalski fréttamaðurinn Fabrizio Romano segir frá því að það séu engar viðræður í gangi varðandi Dalot þessa stundina.
Man Utd er að reyna að kaupa Frenkie de Jong frá Barcelona en það er spurning hvort þeir geti notað Dalot eða Wan-Bissaka sem hluta af kaupverðinu.
Athugasemdir