Upprunalegi samningurinn átti að renna út næsta sumar og er Pogba þegar byrjaður að daðra við spænska félagið Real Madrid.

Þá hafa ensku miðlarnir einnig greint frá því að Pogba hafi áhuga á því að fara til Barcelona en nú er ljóst að samningur hans hefur verið framlengdur um eitt ár.

Man Utd nýtti sér ákvæði í samningnum sem gefur félaginu heimild til þess að framlengja hann um eitt ár og samkvæmt Goal þá hefur félagið nýtt sér það.

Hann verður þvi samningsbundinn Man Utd til 2022 og á því ekki möguleika á að fara frá félaginu á frjálsri sölu næsta sumar.

Pogba yfirgaf Man Utd á frjálsri sölu árið 2012 og gekk til liðs við Juventus en enska félagið keypti hann fjórum árum síðar fyrir tæpar 90 milljónir punda.