Reus er 35 ára gamall sóknartengiliður sem hefur verið án félags síðan um mánaðamótin.

Eftir magnaðan feril með Borussia Dortmund ákvað hann að leita út fyrir landsteinanna, en fjölmiðlar greindu frá því að hann ætlaði sér til Bandaríkjanna.

Samkvæmt Romano er Reus að ganga frá viðræðum við LA Galaxy og vonast félagið til að tilkynna um komu hans á næstu dögum.

Al-Nassr og St. Louis höfðu einnig áhuga á Reus sem valdi það frekar að fara til Galaxy.

Galaxy er vinsæll áfangastaður hjá stórum stjörnum úr Evrópuboltanum. David Beckham fór þangað árið 2007 og þá spiluðu þeir Steven Gerrard, Robbie Keane og Zlatan Ibrahimovic einnig fyrir félagið.