Katrín á æfingu í vikunni.
„Það er gaman að koma loksins aftur á æfingu með landsliðinu," sagði Katrín Ásbjörnsdóttir við Fótbolta.net í vikunni. Katrín er í íslenska landsliðshópnum sem mætir Færeyjum í fyrsta leik í undankeppni HM á Laugardalsvelli á morgun.
„Þær eru sterkar og ýta frá sér. Þær eru líkamlega góðar. Við þurfum að nýta hraðann okkar og þá vinnum við þær," sagði Katrín um færeyska liðið.
Katrín var í liði Stjörnunnar sem burstaði KÍ Klaksvík frá Færeyjum 9-0 í undankeppni Meistaradeildarinnar á dögunum.
„Við nýttum færin okkar úti. Það eru bara fjórar úr landsliðinu í Klaksvík. Þær voru mikið að ýta frá sér og eru sterkar. Við vitum að landsliðið er mikið betra en Klaksvík. Við getum ekki verið að bera það neitt saman. Við ætlum ekki að gefa neitt eftir. Mörkin telja líka í þessu að lokum og við þurfum að skora," sagði Katrín.
Hér að ofan má sjá viðtalið í heild sinni.
Athugasemdir
