Keflvíkingar heimsóttu Fram í Úlfarsárdalinn í stórkostlegum fótboltaleik sem bauð upp á fullt af mörkum.
Möguleikinn á 6.sæti deildarinnar og um leið síðasta sætið fyrir topp 6 úrslitakeppnina var fyrir hendi en til þess þurftu liðin að treysta á að Stjarnan myndi ekki sigra sinn leik en Stjörnumenn sigruðu FH svo Keflvíkingar enduðu í 7.sæti deildarinnar og náðu ekki inn í efri hlutan.
Lestu um leikinn: Fram 4 - 8 Keflavík
„Þetta var stórfurðulegt. Það var bara skorað úr hverju einasta færi liggur við og rosalega fram og tilbaka leikur en á endanum tökum við þetta 8-4 sem er frábært." Sagði Sindri Þór Guðmundsson leikmaður Keflavíkur eftir leikinn í dag.
„Ég hef aldrei spilað fótboltaleik sem endar 8-4 eða er svona fram og tilbaka en nú hef ég gert það."
Fyrir umferðina hafði leikurinn möguleikann á því að vera hreinn úrslitaleikur um sæti í topp 6 og nálguðust liðin leikinn á þann veg.
„Við vissum allir að þetta væri úrslitaleikur ef að við vinnum og Stjarnan hefði tapað þá hefðum við verið í topp 6 en við þurftum bara fyrst og fremst að vinna og lögðum það þannig upp að við ætluðum að keyra á þá. Við vissum að þeir væru góðir sóknarlega en aðeins slakari varnarlega og það gekk upp."
Nánar er rætt við Sindra Þór Guðmundsson leikmann Keflavíkur í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
