Fótbolti.net

Valgeir: Ef maður fær snertingu afhverju ekki þá að fara niður?

Jóhannes Karl: Hún var flott í dag

Þjálfari Virtus: Stundum gerast kraftaverk í San Marínó

Óli Kri: Rotar okkur svolítið þetta mark sem þau skora

Óskar Smári: Sár, svekktur, fúll

Einar Guðna: Ótrúlega glaður með þessi þrjú stig fyrst og fremst

Matti Guðmunds: Kannski er þetta okkar besti leikur svona heilt yfir í 90 mínútur

„Það er bara eins og í box bardaga að fá á sig vönkun eftir vönkun"

Dóri Árna svarar gagnrýnisröddum - „Ég vona einhver gefi þeim gott knús heima"

Fyrsti bikarúrslitaleikur Hólmars á Íslandi - „Mikil eftirvænting“

Rúnar Kristins: Erum tilbúnir í þessa baráttu

Óskar Hrafn: Vorum eins og hjón sem hafa makaskipti í Dansskóla Köru

Galdur: Leist betur á KR en Breiðablik

Elmar Atli: Auðvitað fúll en ég virði ákvörðun þjálfarans

Davíð Smári: Virðist dáið á Íslandi að sóknarmaðurinn njóti vafans

Túfa: Frederik og Aron ættu að vera klárir á föstudaginn

Bragi Karl setti tvö í 5-4 sigri: Ljúft að sækja þrjú stig í Kópavoginn

Kjartan Henry: FH var ekki að fara að tapa fyrir Breiðabliki tvo daga í röð

Dóri Árna: Skora fjögur mörk á heimavelli á alltaf að vera nóg

Lárus Orri: Ómar er kýldur í magann

þri 18. janúar 2022 12:00

Sæbjörn Þór Þórbergsson Steinke

Sif Atla: Kom smá streita að ég myndi fara eitthvað annað

Mjög stolt að fá símtölin en Selfoss langbesti kosturinn

Sif sneri aftur í landsliðið í haust eftir barnsburð.

Mynd: Fótbolti.net - Hafliði Breiðfjörð

Björn við hlið Elísabetar hjá Kristianstad.

Mynd: Twitter

„Það er bara mjög fínt að vera komin aftur til Íslands. Það er alveg pínu sjokk með veðrið en munar um -20 eða 0 gráðurnar. Ég var á útiæfingu í síðustu viku, klæddi mig eins og ég væri að fara í -20 þannig það var ágætt að geta farið að týna af sér. Þetta er bara spennandi," sagði Sif Atladóttir.

Sif samdi við Selfoss í desember eftir rúman áratug í atvinnumennsku. Hjá Selfossi spilar hún undir stjórn eiginmanns síns, Björns Sigurbjörnssonar. Sif fór erlendis árið 2010 og spilaði fyrst með Saarbrücken í Þýskalandi áður en hún samdi við Kristianstad árið 2011.

„Ég er spennt að sjá hvað hefur breyst og miðað við undirskriftir síðustu vikur hjá Þór/KA og Val og fleirum þá verður þetta stórkostlega spennandi og gaman að sjá að liðið stefna fram á við."

Voru fleiri lið en Selfoss sem komu til greina?

„Ég skoðaði það sem kom á borðið og var mjög þakklát fyrir að liðin voru að heyra í mér. Það sýnir bara metnað og hvaða hugsun þau hafa. Ég var mjög stolt að fá símtölin en út frá öllum sjónarmiðum var Selfoss langbesti kosturinn fyrir mig og fjölskylduna."

„Við Bjössi erum búin að sýna fram á að við getum unnið vel saman. Ég er spennt að sjá hann í nýju hlutverki. Hann er búinn að vera í skólanum hennar Betu í 11-12 ár. Það verður gaman að sjá hann fá að fljúga svolítið sjálfur."

„Nei, það var engin pressa frá honum," sagði Sif og hló. „Við ræddum þetta alveg áður og sögðum að ég myndi skoða alla mögulega kosti. Við vitum alveg hvar ég stend, ég stefni á EM og hann var þolinmóður og sýndi mér skilning í því. Það kom smá streita að ég myndi fara eitthvað annað á tímabili en svo passaði vel að fara í Selfoss."

Talandi um EM, að spila á Íslandi, minnkar það líkurnar á að vera í hópnum?

„Ég veit það ekki. Ég vel ekki hópinn sjálf því miður... ég ræddi þetta við Steina og Ása og sagði að þetta gæti verið möguleiki. Þeir segja að þeir munu velja besta hópinn fyrir EM og ég þarf bara að standa mig með mínu félagsliði til að eiga áfram möguleika á því að halda mér þar inni," sagði Sif.

Sif er 36 ára varnarmaður sem hefur spilað með FH, KR, Þrótti og Val á Íslandi. Viðtalið í heild er talsvert lengra og má sjá það í spilaranum hér að ofan.