Það var falleg stund í Kaupmannahöfn í Danmörku í gær, á tíundu mínútu leiks Danmerkur og Belgíu á Evrópumótinu.
Björn Kuipers, dómari leiksins, flautaði í flautu sína og stöðvaði leikinn þegar áhorfendur fóru að klappa. Hann byrjaði þá að klappa og það gerðu leikmenn líka.
Allir á vellinum klöppuðu í mínútu til að senda baráttukveðjur á Christian Eriksen, leikmann Danmerkur. Eriksen fór í hjartastopp í fyrsta leik Danmerkur á Evrópumótinu en skjót viðbrögð allra björguðu lífi hans.
Eriksen er á Rigshospitalet sem er rétt hjá Parken og spurning hvort hann hafi heyrt þegar klappað var fyrir honum.
Danmörk endaði á að tapa leiknum 2-1, en stuðningsfólk danska liðsins í stúkunni hélt uppi mikilli stemningu allan leikinn sem gaman var að sjá.
Hér að neðan má sjá þegar klappað var fyrir Eriksen.
❤️ 🇩🇰#EURO2020 #EMISLAND pic.twitter.com/TF57sawjd5
— Stöð 2 Sport (@St2Sport) June 17, 2021
Athugasemdir