Byrjunarlið Brentford og Arsenal: Ödegaard og Zinchenko meiddir

Bæði lið hafa farið vel af stað á nýju tímabili og getur Arsenal endurheimt toppsætið með sigri. Arsenal á 15 stig eftir 6 umferðir og eru heimamenn í Brentford með 9 stig.

Thomas Frank gerir tvær breytingar á liðinu sem skoraði fimm mörk gegn Leeds United í síðustu umferð þar sem Josh Dasilva og Kristoffer Ajer koma inn í byrjunarliðið fyrir Shandon Baptiste og Keane Lewis-Potter. Norski landsliðsmaðurinn Ajer er kominn til baka eftir meiðsli og er að spila sinn fyrsta leik á tímabilinu.

Mikel Arteta gerir þrjár breytingar á liðinu sem tapaði fyrir Manchester United á Old Trafford þar sem Oleksandr Zinchenko og Martin Ödegaard eru ekki í hópi vegna smávægilegra meiðsla. Kieran Tierney og Fabio Vieira koma inn í liðið í stað þeirra.

Þá fer Sambi Lokonga á bekkinn því miðjumaðurinn öflugi Thomas Partey er búinn að jafna sig eftir meiðsli og fer beint aftur inn í byrjunarliðið.

Hinn fimmtán ára gamli Ethan Nwaneri er á varamannabekknum hjá Arsenal.

Brentford: Raya, Hickey, Jansson, Ajer, Mee, Henry, Janelt, Jensen, Dasilva, Mbeumo, Toney.
Varamenn: Canos, Wissa, Zanka, Ghoddos, Onyeka, Strakosha, Damsgaard, Baptiste, Roerslev

Arsenal: Ramsdale, White, Saliba, Gabriel, Tierney, Partey, Xhaka, Vieira, Saka, Martinelli, Jesus.
Varamenn: Turner, Nketiah, Holding, Tomiyasu, Lokonga, Marquinhos, Smith, Nwaneri, Lino Sousa