Viðar Örn Kjartansson er lykilmaður í sóknarleik Vålerenga og skoraði hann tvennu í góðum sigri í Sandfirði í dag.

Viðar Örn skoraði alvöru framherjamark í fyrri hálfleik og fékk svo tækifæri til að tvöfalda forystuna af vítapunktinum í upphafi síðari hálfleiks. Honum brást þó bogalistin og heimamenn í Sandfirði enn í leiknum.

Tuttugu mínútum síðar bætti Viðar Örn upp fyrir klúðrið og tvöfaldaði hann forystu Vålerenga, sem endaði á að vinna leikinn 0-3.

Viðari Erni var skipt útaf á 80. mínútu fyrir Matthías Vilhjálmsson.

Viðar Ari Jónsson spilaði fyrstu 56 mínúturnar í liði Sandefjord á meðan Emil Pálsson var ónotaður varamaður.

Vålerenga er í fjórða sæti eftir sigurinn, tveimur stigum eftir Molde í öðru sæti. Sandefjord er fjórum stigum fyrir ofan fallsvæðið þegar níu umferðir eru eftir.