Samningur Guðmanns við FH rann út eftir síðasta tímabil og ákvað FH að endurnýja ekki samninginn.

Guðmann staðfesti þau tíðindi við Fótbolta.net í september og sagðist þó mjög ósáttur því hann ætlaði að klára ferilinn þar. Tveir mánuðir eru liðnir síðan hann yfirgaf FH en hann er ekki pirraður út í félagið.

„Það eru liðnar nokkrar vikur síðan. Já ég var ósáttur af því ég ætlaði að klára ferilinn hjá FH og fá heiðursskiptingu á 88. í síðasta leiknum en ég sagði við þig að þeir eru með ný markmið og ætla að reyna að yngja upp og skil það alveg," sagði Guðmann við Fótbolta.net í dag.

„Ég er náttúrlega mjög mikill FH-ingur. Ég er ósáttur en er ekkert pirraður út í einn né neinn. Þetta eru allt toppmenn þarna," sagði hann í lokin.