Varnarmaðurinn Connor Roberts var ásamt Jóhanni Bergi Guðmundssyni í byrjunarliði Burnley sem vann góðan endurkomusigur á Middlesbrough í gær og jók þannig forystuna á toppi Championship deildarinnar.
Staðan var 3-1 undir leikslok þegar gestirnir frá Middlesbrough komust nálægt því að minnka muninn. Skrýtin marktilraun Boro endaði þá í slánni en Roberts fékk að líta beint rautt spjald fyrir hendi í kjölfarið.
Það er vegna þess að Roberts reyndi að kýla boltann í burtu og úr flestum sjónarhornum virtist honum hafa tekist ætlunarverk sitt. Dómarateymið mat það sem svo en ekki er notast við VAR myndbandstæknina í Championship deildinni.
Chuba Akpom steig á vítapunktinn en brenndi af og urðu lokatölur 3-1.
Athugasemdir
