Þessa stundina eigast við Arsenal og Crystal Palace í ensku úrvalsdeildinni en topplið Arsenal er tveimur mörkum yfir þegar flautað hefur verið til hálfleiks.
Gestirnir byrjuðu leikinn ágætlega og átti Wilfried Zaha skot í stöngina snemma leiks en það var hins vegar Brassinn Gabriel Martinelli sem kom Arsenal í forystu. Hann lék þá á varnarmann Palace og þrumaði knettinum fallega í fjærhornið.
Bukayo Saka átti stoðsendinguna á Martinelli en hann skoraði síðan sjálfur á markamínútunni góðu. Hann fékk boltann frá Ben White og renndi honum örugglega fjærhornið af stuttu færi.
Hlutirnir líta því vel út fyrir Arsenal í hálfleik en liðið getur ýtt Manchester City átta stigum frá sér vinni liðið leikinn.
Sjáðu markið hjá Martinelli hér.
Sjáðu markið hjá Saka hér.