Ísland í dag - Undanúrslit Mjókurbikars kvenna og Lengjudeildin

Fyrri undanúrslitaleikurinn í Mjólkurbikar kvenna fer fram í kvöld. Þá eru fjórir leikir í Lengjudeild karla og tveir í Lengjudeild kvenna.

Valur og FH mætast í Mjókurbikarnum á Hlíðarenda. Valur er ríkjandi bikarmeistari en liðið vann Fram og Þrótt á leið sinni í undanúrslitin í ár. FH vann Fylki og Þór/KA á leið sinni í undanúrslitaleikinn. FH mætti einnig Þór/KA í 8-liða úrslitum í fyrra en þá tapaði liðið.

Þór og Grindavík mætast í fyrsta leik dagsins í Lengjudeildinni. Grindavík hefur átt erfitt uppdráttar að undanförnu og situr í 8. sæti en Þór getur komist upp í 3. sæti um stund að minnsta kosti með sigri.

Njarðvík og HK mætast í spennandi leik en sigurvegarinn fer á toppinn. Þá mætast Leiknir og Keflavík annars vegar og hins vegar Þróttur og Fylkir.