Mynd: EPA

Arsenal féll úr leik í Evrópudeildinni síðasta fimmtudag og þá er liðið einnig fallið úr leik í enska bikarnum. Liðið situr hins vegar á toppnum í ensku úrvalsdeildinni og með sigri í dag getur það náð átta stiga forskoti þegar landsleikjahléið gengur í garð.

Arteta segir að lið hans á eftir ellefu úrslitaleiki á þessu tímabili.

„Leikurinn í dag er sá stærsti og mikilvægasti. Þetta er síðasti leikurinn okkar fyrir landsleikjahlé. Við vitum hvað við þurfum að gera og við ætlum að gera það. Ef við náum því, þá verðum við í mjög góðri stöðu," sagði Spánverjinn.

„Margir af okkar leikmönnum þurftu að spila 120 mínútur, það var eitthvað sem við vildum ekki, sérstaklega því margir af okkar leikmönnum hafa spilað mikið á þessu tímabili. Við sjáum hverjir eru klárir og við munum stilla upp liði sem mun eiga besta möguleikann á því að vinna Crystal Palace."

Manchester City spilaði ekki í deildarkeppninni um þessa helgi en liðið slátraði Burnley í gær í átta liða úrslit enska bikarsins. Því getur Arsenal aukið forskot sitt á eftir.