„Það sem skóp sigurinn í kvöld var vinnusemi, dugnaður og öflug liðsheild. Við spiluðum af miklum krafti og stóðum okkar vel í dag". Segir Rúnar Páll Sigmundsson þjálfari Fylkis eftir 5-2 sigur sinna manna á Fjölni í Lengjudeildinni í kvöld.
Lestu um leikinn: Fylkir 5 - 2 Fjölnir
„ Það var frábært hvernig við brugðumst við jöfnunarmarkinu hjá Fjölni og við sýndum karakter með því að koma ferskir inn eftir jöfnunarmarkið. Fjölnir fram að markinu skapaði enga hættu og það kom svolítið í andlitið á okkur þetta mark, það var óþarfi en það var gríðarlegur kraftur í okkur í kvöld."
Góð mæting var í Lautina í kvöld og þetta var annar heimasigur liðsins í jafn mörgum leikjum í sumar. Rúnar hafði þetta að segja um það: „ Ég ætla að vona það að þetta verði vígi hér í sumar. Það er hægt að fá full af fólki hérna eins og var núna í kvöld, Árbærinn er að lifna við og það er frábært."
„Næsti deildarleikur sem er útileikur gegn Grindavík verður erfiður. Ég þekki það ágætlega að spila í Grindavík í gegnum tíðina og það er mjög erfitt að fara þangað að spila en við verðum að spila eins og við gerðum í dag með bullandi sjálfstraust og vera klárir í baráttuna."
Viðtalið má nálgast í heild sinni hér að ofan
Athugasemdir
