3. deild: Magni sigraði gegn KV

Magni og KV áttust við í eina leik dagsins í 3. deild karla og tóku heimamenn í Grenivík forystuna á 28. mínútu, þegar Viktor Már Heiðarsson skoraði.

Jökull Tjörvason jafnaði metin tíu mínútum síðar og var staðan 1-1 í hálfleik.

Í síðari hálfleik var það Sigurður Brynjar Þórisson sem kom Magna yfir og tókst heimamönnum að halda forystunni allt til leiksloka.

Lokatölur urðu því 2-1 fyrir Magna sem er með sex stig eftir þrjár umferðir, en KV situr eftir með þrjú stig.