Ítalía í dag - Mikil spenna í næstsíðustu umferð tímabilsins

Næstsíðasta umferð tímabilsins fer fram í dag og hefst á fallbaráttuslag þegar Sassuolo tekur á móti Cagliari.

Heimamenn í Sassuolo eru í fallsæti og þurfa nauðsynlega á sigri að halda en Cagliari er fjórum stigum fyrir ofan - aðeins einu stigi fyrir ofan fallsæti.

Frosinone heimsækir svo Monza og þarf á stigi að halda enda er liðið ekki í fallsæti einungis þökk sé markatölu sinni sem stendur í -25, á sama tíma og Udinese og Empoli eigast við í gríðarlega eftirvæntum fallbaráttuslag.

Empoli er í fallsæti á markatölu, með -26, en Udinese er einu stigi þar fyrir ofan eftir mikið vonbrigðatímabil.

Ítalíumeistarar Inter taka á móti Lazio áður en Albert Guðmundsson og félagar í Genoa heimsækja AS Roma.

Lazio og Roma geta tryggt sér evrópudeildarsæti á næstu leiktíð með sigri.

Leikir dagsins:
10:30 Sassuolo - Cagliari
13:00 Monza - Frosinone
13:00 Udinese - Empoli
16:00 Inter - Lazio
18:45 Roma - Genoa