Breiðablik 2 - 1 KA
0-1 Kári Gautason ('43 , sjálfsmark)
0-2 Hallgrímur Mar Steingrímsson ('50 )
1-2 Viktor Karl Einarsson ('74 )
Lestu um leikinn
Breiðablik minnkaði forskot Víkings á toppi Bestu deildarinnar niður í eitt stig þegar liðið lagði KA af velli á Kópavogsvelli í kvöld.
Blikar voru yfir í hálfleik en það var Kári Gautason varnarmaður KA sem varð fyrir því óláni að skora sjálfsmark þegar hann þrumaði boltanum í eigið mark.
KA tókst að jafna snemma í síðari hálfleik þegar Hallgrímur Mar Steingrímsson var aleinn inn á teig Blika og kláraði færið snyrtilega.
Þegar stundafjórðungur var til loka venjulegs leiktíma kom Viktor Karl Einarsson Blikum aftur yfir þegar hann fór illa með varnarmenn KA inn á teignum og renndi boltanum í netið.
Viðar Örn Kjartansson kom inn á sem varamaður í liði KA en hann komst einn í gegn undir lok leiksins en Anton Ari Einarsson varði frá honum og tryggði Blikum sigurinn. KA menn vildu fá vítaspyrnu þegar Viðar féll í teignum í baráttunni við Damir Muminovic.
Breiðablik búið að minnka muninn á Víking á toppnum niður í eitt stig en KA er á botninum.
