Ítalska félagið Juventus hefur fest kaup á kólumbíska varnarmanninum Juan Cabal frá Hellas Verona.
Cabal er 23 ára gamall og getur bæði spilað sem vinstri bakvörður og miðvörður.
Varnarmaðurinn hefur spilað með Verona síðustu tvö ár og á samtals 33 leiki í Seríu A.
Hann var orðaður við Inter fyrr í sumar en það var Juventus sem hafði betur í baráttunni. Kaupverðið er í kringum 13 milljónir evra og fær Atletico Nacional, uppeldisfélag hans í Kólumbíu, 20 prósent af kaupverðinu.
Cabal verður hugsaður sem miðvörður í leikkerfi Thiago Motta hjá Juventus.
Athugasemdir
