Bayern tókst að vinna góðan sigur gegn Barcelona í Meistaradeildinni á dögunum en árangurinn heima fyrir hefur ekki verið boðlegur fyrir stórveldi á borð við Bayern.

Liðið tapaði 1-0 fyrir Augsburg um liðna helgi og er liðið núna í fimmta sæti - fimm stigum frá toppliði Borussia Dortmund. Það er talað um krísu hjá Bayern.

Bayern hefur unnið deildina tíu ár í röð og það er pressa að myndast á hinum unga Nagelsmann; hann er í sínu stærsta starfi á ferlinum til þessa og þarf að koma mönnum í gang.

Oliver Kahn, framkvæmdastjóri Bayern, sagði um helgina að það væri eins og leikmenn ætluðu bara að taka deildina með hálfum hug en það myndi aldrei duga. Hann sagði jafnframt að Nagelsmann væri með stuðning stjórnar eins og er.