Skjóta á Mourinho - Tottenham sagt hafa spilað 4-6-0

Í nýjustu leikskrá Liverpool er umfjöllun um 1-0 sigur liðsins gegn Tottenham á dögunum.

Sá sem hana skrifaði stóðst ekki mátið og kom með skot á Jose Mourinho, stjóra Tottenham.

Tottenham tefldi fram varnarsinnuðu leikkerfi gegn Jurgen Klopp og lærisveinum og í leikskránni er kerfið skilgreint sem 4-6-0. Harry Kane er á meiðslalistanum og spilaði Mourinho upp á sóknarhlaup frá Lucas Moura og Son Heung-min í skyndisóknum.