Lið vikunnar í enska - Betra að vera með fullorðinn mann en strák í starfsþjálfun

Markvörður: Emiliano Martínez - Aston Villa, Frábær varsla í stöðunni 1-0 gegn Bournemouth. Hann náði að taka Dominic Solanke úr jafnvægi þegar hann var einn á móti sér. Martínez hélt sér standandi og spurði Solanke í sífellu spurninga. Tyrone Mings fékk tíma til að koma og hjálpa.

Varnarmaður: Tyrone Mings - Aston Villa, Langt síðan Crooks valdi Mings síðast í liðið. Hefur litið mun betur út eftir komu Unai Emery og er nú kominn í landsliðið. Gerði nákvæmlega það sem Martínez vildi þegar hann stoppaði Solanke.

Varnarmaður: Ben White - Arsenal, Frábær frammistaða, Zaha fékk einungis einn séns og þá varði Ramsdale í stöng. Svo sást hann ekki meir, var í vasanum hjá White. White átti auk þess stoðsendingu á Saka í leiknum.

Varnarmaður: Lisandro Martínez - Manchester United, United hefur komið nokkuð sterkt til baka eftir stórtapið gegn Liverpool, Martínez litið mjög vel út. Þegar leikurinn gegn Fulham stefndi í vesen þá sýndi Martínez einbeitingu og hjálpaði liðinu að ná stjórninni.

Miðjumaður: James Ward-Prowse - Southampton, Ef það er einhver sem getur bjargað Southampton frá falli þá er það Ward-Prowse. Skoraði úr vítaspyrnu í lokin og tryggði stig gegn Tottenham.

Miðjumaður: Joao Felix - Chelsea, Vel gert hjá Chelsea að fá hann á láni Atletico. Frammistaðan gegn Everton var frá leikmanni sem er alltaf að fá meira og meira sjálfstraust.

Miðjumaður: Bruno Fernandes - Manchester United, Leikmaður sem stígur upp á stórum augnablikum þegar leikir verða áhugaverðir. Leikirnir verða ekki mikið áhugaverðari en þegar annað liðið missir tvo leikmenn af velli. Fernandes fékk mikla gagnrýni eftir leikinn gegn Liverpool og sú gagnrýni átti rétt á sér þar sem Fernandes henti þar inn handklæðinu. Hann hefur náð að rísa upp eftir þann leik og skoraði tvö í gær.

Miðjumaður: Bukayo Saka - Arsenal, Tvö mörk og stoðsending frá Saka settu tóninn í þægilegum sigri gegn stjóralausu liði Palace. Toppliðið þurfti varla að fara úr öðrum gír.

Sóknarmaður: Alexander Isak - Newcastle, Gerði vel í fyrsta markinu og var svellkaldur þegar hann skoraði úr vítaspyrnu í lok leiks. Sýndi að það var rétt að velja hann fram yfir Callum Wilson. Isak er farinn að skila inn mörkum á hárréttum tíma fyrir Newcastle sem þarf á þeim að halda í Meistaradeildarbáráttunni.

Sóknarmaður: Erling Haaland - Manchester City, Þegar þú skorar fimm mörk í Meistaradeildinni og svo þrennu þrennu nokkrum dögum seinna þá ertu í liði vikunnar. Haaland hefur þegar skorað 40 mörk á tímabilinu og það er enn mars. Hvernig er það hægt? Frábærlega tekin mörk, fyrsta markið gegn Burnley í uppáhaldi hjá Crooks.

Sóknarmaður: Jacob Ramsey - Aston Villa, Sterkur sigur hjá Villa og Ramsey innsiglaði hann. Hann er að spila ofar á vellinum eftir komu Emery og hann er að fíla þá stöðu vel. Sjálfstraustið er í botni og hann er að skora mörk. Aston Villa er núna með fullorðinn mann í starfi, ekki stjóra í starfsþjálfun.