Hörður Björgvin Magnússon lék allan leikinn í vörninni er CSKA Moskva lagði Ufa að velli í rússneska boltanum.

CSKA sýndi yfirburði í fjörugum leik og verðskuldaði sigurinn. Kristijan Bistrovic gerði eina mark leiksins á 65. mínútu.

Arnór Sigurðsson spilaði síðasta stundarfjórðunginn og er þetta sjötti leikurinn af átta sem hann tekur þátt í á deildartímabilinu.

CSKA er í öðru sæti eftir sigurinn, einu stigi eftir toppliði Zenit. Ufa er í fallsæti.