Sölvi Geir
Kjartan Henry Finnbogason
„Já, mjög svekktur í ljósi þess hvernig staðan var undir lok leiks, við vorum að leiða þetta og klaufaskapur að fá þetta mark á sig undir lokin. Það svíður," sagði Sölvi Geir Ottesen, fyrirliði Víkings, eftir jafntefli gegn KR í kvöld.
KR jafnaði leikinn í uppbótartíma.
KR jafnaði leikinn í uppbótartíma.
Lestu um leikinn: Víkingur R. 1 - 1 KR
„Ég er búinn að æfa núna í viku, þessi leikur tók á og það var mikil barátta og þetta reyndi á lungun. Ég var orðinn mjög þreyttur undir lokin, þetta var mjög erfitt."
Sölvi var að spila sinn fyrsta leik síðan gegn Stjörnunni í þriðju umferð deildarinnar og hafði því verið frá í rúman mánuð.
„Það var smá óheppni á móti Stjörnunni, táliðurinn fór í klessu og hef verið að reyna koma til baka."
„Ég er búinn að jafna mig á þessu núna og ætla vera klár, vonandi, fyrir restina af deildinni."
Kjartan Henry Finnbogason og Sölvi Geir háðu nokkra bardaga í leiknum. Var erfitt að eiga við hann?
„Nei, það var ekki svo erfitt. Ég vil segja sem minnst um þetta. Það var barátta og gaman að kljást svona en aðallega svekktur með úrslitin."
Það fór fram eftirminnilegur leikur milli þessara liða vestur í bæ fyrir um ári síðan. Notuðu Víkingar þann leik sem einhverja hvatningu fyrir þennan leik?
„Þú þarft ekki að mótivera þig þegar þú spilar á móti KR, það er nóg að fara spila á móti KR, þá ertu búinn að mótivera þig."
„Kannski í ljósi þess sem undan hefur gengið á milli liðanna, þá þarftu ekki að mótivera þig," sagði Sölvi.
Hljóðgæðin eru alls ekki upp á það besta, því miður en viðtalið í heild má sjá í spilaranum að ofan.
Athugasemdir
