Landsliðsmarkvörðurinn Rúnar Alex Rúnarsson gekk í dag í raðir enska stórliðsins Arsenal.
Rúnar Alex kemur til Arsenal eftir tvö ár hjá Dijon í Frakklandi. Hann skrifaði undir fjögurra ára samning við Arsenal.
Faðir Rúnars er Rúnar Kristinsson, þjálfari og leikjahæsti leikmaður í sögu íslenska landsliðsins. Rúnar var spurður út í félagaskipti sonar síns eftir 2-0 sigur gegn Breiðabliki í Pepsi Max-deildinni í kvöld.
„Þetta eru stórkostleg tíðindi fyrir hann og fyrir mig," sagði Rúnar Kristins.
„Það er ofboðslega gaman að svona stórt félag vilji kaupa hann og fá hann sem einn af sínum þremur markvörðum. Þetta er búið að liggja dálítið lengi í loftinu og maður er búinn að vita af þessu í töluverðan tíma, en þetta er stórt félag á risa mælikvarða í heiminum og frábært tækifæri fyrir hann."
Viðtalið við Rúnar má sjá í heild sinni hér að neðan.
Athugasemdir