Guðmunda Brynja Óladóttir, leikmaður KR, hefur framlengt samning sinn við félagið til næstu tveggja ára. Kristín Erla Ó Johnson og Emilía Ingvadóttir framlengdu einnig við félagið.
Guðmunda Brynja er fædd árið 1994 og uppalin í Selfoss en gekk í raðir Stjörnunnar árið 2017 og spilaði tvö tímabil með liðinu áður en hún hélt í KR.
Hún hefur skorað 7 mörk í 27 leikjum í deild- og bikar með KR-ingum á þessum tveimur árum en hún mun spila með liðinu í alla vega tvö ár til viðbótar eftir að hún framlengdi samning sinn við félagið í dag.
Emilía og Kristín Erla framlengdu einnig um tvö ár en þær eru báðar fæddar árið 2002.
Kristín Erla á 32 leiki að baki fyrir KR frá því hún spilaði sinn fyrsta leik í deild fyrir þremur árum. Emilía hefur ekki komið við sögu í mótsleik en hún hjálpaði 2. flokki Gróttu/KR að komast upp í A-deild á dögunum.
Athugasemdir