Ruben Amorim þjálfari Manchester United svaraði spurningum eftir tap gegn Aston Villa í dag og ræddi um leikmannamarkaðinn í janúar.
Rauðu djöflarnir eru að glíma við meiðslavandræði en Amorim telur rétta svarið ekki vera að bregðast við með að kaupa nýja leikmenn í janúar og gera um leið fljótfærnismistök sem eiga eftir að kosta félagið seinna meir.
Bruno Fernandes, fyrirliði Man Utd sem er nánast aldrei meiddur, fór meiddur af velli í hálfleik gegn Villa á meðan Kobbie Mainoo, sem spilar sömu stöðu og Bruno, var ekki í hóp vegna smávægilegra meiðsla.
Amorim býst við að hvorugur leikmaður verði klár í slaginn gegn Newcastle annan í jólum
„Það sem við megum ekki gera eru fljótfærnismistök í janúarglugganum. Við verðum að þjást, klúbburinn verður að vera í fyrirrúmi," sagði Amorim meðal annars.
„Auðvitað þurfum við á stigum að halda og mér líður eins og við eigum eftir að þjást mikið í janúar."
Miðverðirnir Harry Maguire og Matthijs de Ligt eru einnig fjarverandi vegna meiðsla og þá eru Noussair Mazraoui, Bryan Mbeumo og Amad Diallo uppteknir á Afríkumótinu næstu vikurnar.
United er í sjöunda sæti ensku úrvalsdeildarinnar með 26 stig eftir 17 umferðir.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 21 | 15 | 4 | 2 | 40 | 14 | +26 | 49 |
| 2 | Man City | 21 | 13 | 4 | 4 | 45 | 19 | +26 | 43 |
| 3 | Aston Villa | 21 | 13 | 4 | 4 | 33 | 24 | +9 | 43 |
| 4 | Liverpool | 21 | 10 | 5 | 6 | 32 | 28 | +4 | 35 |
| 5 | Brentford | 21 | 10 | 3 | 8 | 35 | 28 | +7 | 33 |
| 6 | Newcastle | 21 | 9 | 5 | 7 | 32 | 27 | +5 | 32 |
| 7 | Man Utd | 21 | 8 | 8 | 5 | 36 | 32 | +4 | 32 |
| 8 | Chelsea | 21 | 8 | 7 | 6 | 34 | 24 | +10 | 31 |
| 9 | Fulham | 21 | 9 | 4 | 8 | 30 | 30 | 0 | 31 |
| 10 | Sunderland | 21 | 7 | 9 | 5 | 21 | 22 | -1 | 30 |
| 11 | Brighton | 21 | 7 | 8 | 6 | 31 | 28 | +3 | 29 |
| 12 | Everton | 21 | 8 | 5 | 8 | 23 | 25 | -2 | 29 |
| 13 | Crystal Palace | 21 | 7 | 7 | 7 | 22 | 23 | -1 | 28 |
| 14 | Tottenham | 21 | 7 | 6 | 8 | 30 | 27 | +3 | 27 |
| 15 | Bournemouth | 21 | 6 | 8 | 7 | 34 | 40 | -6 | 26 |
| 16 | Leeds | 21 | 5 | 7 | 9 | 29 | 37 | -8 | 22 |
| 17 | Nott. Forest | 21 | 6 | 3 | 12 | 21 | 34 | -13 | 21 |
| 18 | West Ham | 21 | 3 | 5 | 13 | 22 | 43 | -21 | 14 |
| 19 | Burnley | 21 | 3 | 4 | 14 | 22 | 41 | -19 | 13 |
| 20 | Wolves | 21 | 1 | 4 | 16 | 15 | 41 | -26 | 7 |
Athugasemdir
