Manchester United kom sér tímabundið upp í fjórða sæti ensku Úrvalsdeildarinnar með sigri gegn West Ham í dag. Leikurinn var gríðarlega mikilvægur enda eru liðin í beinni samkeppni um Evrópusæti og aðeins eitt stig sem skilur þau að á stöðutöflunni.
Marcus Rashford kom inn af bekknum og gerði sigurmarkið með síðustu snertingu leiksins og var Ralf Rangnick bráðabirgðastjóri kátur að leikslokum.
„Það er alltaf besta tilfinningin að skora sigurmark á síðustu sekúndu og góður bónus að halda hreinu. Við áttum skilið að sigra eftir þennan lokakafla, við þurftum að sýna mikla þolinmæði gegn þessu West Ham liði. Það voru stundir þar sem ég óskaði þess að leikmenn hefðu tekið auka sendingu í stað þess að skjóta utan teigs," sagði Rangnick.
„Strákarnir litu vel út og er ég sérstaklega ánægður með varnarleikinn, þeir sýndu mikla baráttu. Andrúmsloftið í klefanum er frábært, strákarnir eru að fagna þessum mikilvæga sigri dátt. Þeir vita hversu mikilvægt þetta var.
„Við sýndum stundum ekki nógu mikla þolinmæði í sókn en sem betur fer þá hafðist þetta að lokum. Það voru tekin alltof mörg skot úr lélegum stöðum þar sem boltinn var aldrei að fara að enda í netinu. Ég vil þakka stuðningsmönnum sérstaklega fyrir frábæran stuðning, það voru þeir sem komu strákunum í gegnum þennan leik. Strákarnir voru þreyttir enda áttu þeir leik við Brentford fyrir þremur dögum."
Rashford gerði sigurmarkið og var himinlifandi að leikslokum.
„Við hefðum getað verið betri á boltanum en náðum að skora markið sem við þurftum. Þetta er ótrúlega mikilvægt mark og þessi sigur gefur okkur sjálfstraust. Við erum ánægðir með hléið sem er framundan, við þurfum smá hvíld."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 29 | 19 | 7 | 3 | 58 | 22 | +36 | 64 |
| 2 | Man City | 28 | 18 | 5 | 5 | 57 | 25 | +32 | 59 |
| 3 | Man Utd | 28 | 14 | 9 | 5 | 50 | 38 | +12 | 51 |
| 4 | Aston Villa | 28 | 15 | 6 | 7 | 38 | 30 | +8 | 51 |
| 5 | Liverpool | 28 | 14 | 6 | 8 | 47 | 37 | +10 | 48 |
| 6 | Chelsea | 28 | 12 | 9 | 7 | 49 | 33 | +16 | 45 |
| 7 | Brentford | 28 | 13 | 4 | 11 | 44 | 40 | +4 | 43 |
| 8 | Everton | 28 | 11 | 7 | 10 | 32 | 33 | -1 | 40 |
| 9 | Fulham | 28 | 12 | 4 | 12 | 40 | 42 | -2 | 40 |
| 10 | Bournemouth | 28 | 9 | 12 | 7 | 44 | 46 | -2 | 39 |
| 11 | Brighton | 28 | 9 | 10 | 9 | 38 | 35 | +3 | 37 |
| 12 | Sunderland | 28 | 9 | 10 | 9 | 29 | 34 | -5 | 37 |
| 13 | Newcastle | 28 | 10 | 6 | 12 | 40 | 42 | -2 | 36 |
| 14 | Crystal Palace | 28 | 9 | 8 | 11 | 30 | 34 | -4 | 35 |
| 15 | Leeds | 28 | 7 | 10 | 11 | 37 | 47 | -10 | 31 |
| 16 | Tottenham | 28 | 7 | 8 | 13 | 38 | 43 | -5 | 29 |
| 17 | Nott. Forest | 28 | 7 | 6 | 15 | 26 | 41 | -15 | 27 |
| 18 | West Ham | 28 | 6 | 7 | 15 | 34 | 54 | -20 | 25 |
| 19 | Burnley | 28 | 4 | 7 | 17 | 32 | 56 | -24 | 19 |
| 20 | Wolves | 29 | 2 | 7 | 20 | 20 | 51 | -31 | 13 |
Athugasemdir
