Enska úrvalsdeildarfélagið Arsenal birti athyglisverða færslu á Twitter í gærkvöldi en þar er gefið í skyn að Santi Cazorla sé á leið aftur til félagsins frá Villarreal.

Cazorla, sem er 35 ára gamall, spilaði með Arsenal frá 2012 til 2018 en fyrstu árin voru honum afar góð á meðan slæm meiðsli setti strik í reikninginn síðustu árin áður en hann gekk til liðs við Villarreal.

Hann hefur spilað glimrandi vel á Spáni en hann er kominn með 12 mörk í 29 leikjum á þessari leiktíð og þar af sjö stoðsendingar.

Stuðningsmenn Arsenal hafa alltaf elskað Cazorla og kom mikill spenningur í stuðningsmenn eftir að félagið birti mynd af honum á Twitter í gær.

„Santi. Það var ekki fleira. Þetta er tístið," var skrifað við færsluna.

Samningur Cazorla hjá Villarreal rennur út í sumar en hann sagði við spænska sparkspekinginn Guillem Balague á dögunum að hann ætlaði sér að spila í tvö ár til viðbótar áður en hann fer út í þjálfun.

Mikel Arteta, stjóri Arsenal, gæti því boðið honum samning og fengið hann síðar inn í þjálfarateymið en það ætti að koma í ljós á næstu vikum.

Santi. That's it. That's the tweet. pic.twitter.com/5u0unJxpfh

— Arsenal (@Arsenal) May 21, 2020

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit