Þýskaland: Hinteregger skoraði þrjú í stórsigri Bayern

Bayern Munchen fékk Eintracht Frankfurt í heimsókn í lokaleik dagsins í þýsku Bundesliga. Bayern er í toppsætinu og þurfti á sigri að halda til að halda forskotinu á funheitt lið Dortmund eftir úrslit dagsins.

Leon Goretzka og Thomas Muller sáu til þess að Bayern leiddi með tveimur mörkum í hálfleik og í upphafi síðari hálfleiks kom markamaskínan Robert Lewandowski heimamönnum í 3-0. Martin Hinteregger var næstur á blað og skoraði í tvígang fyrir heimamenn. Mörkin komu með stuttu millibili, bæði eftir hornspyrnu.

Alphonso Davies var næstur á blað og kom Bæjurum í 4-2 þegar hann nýtti sér varnarmistök og fimmta markið skoraði Hinteregger í eigið mark, óheppni og einkar klaufalegt. Fleiri urðu mörkin ekki og Bayern áfram með fjögurra stiga forskot á toppnum.

Davies skoraði og lagði upp í leiknum og slíkt hið sama gerði Muller. Bayern fær alvöru prófraun í miðri viku þegar liðið mætir Dortmund á þriðjudag klukkan 16:30.